Kryeministri Edi Rama deklaroi se Shqipëria është e gatshme të lehtësojë ndërhyrjet e NATO-s në Korridorin 8, një rrugë strategjike që lidh Adriatikun me Detin e Zi.
Rama e bëri këtë njoftim gjatë ceremonisë në të cilën General Christopher G. Cavoli, Komandant Suprem i NATO-s dhe i Forcave Amerikane në Europë, u nderua me titullin “Doctor Honoris Causa” nga Universiteti Europian i Tiranës.
Rama vlerësoi bashkëpunimin e ngushtë me NATO-n dhe nënvizoi se Shqipëria është e përkushtuar të ndihmojë në forcimin e stabilitetit në rajon.
“Sepse Shqipëria është gjithmonë e gatshme për të bashkëpunuar në mënyrën e vetë, por kur bashkëpunimi është në të dyja krahët është shkëlqyer. Dhe sikundër thuhet: Zoti e bekoftë SHBA-në! Zoti bekoftë NATO-n! Zoti e bekoftë Shqipërinë”, tha Rama.
Ai i shprehu mirënjohje General Cavolit për mbështetje të vazhdueshme ndaj Shqipërisë dhe aleancës, duke theksuar se bashkëpunimi ndërkombëtar është kyç për sigurinë dhe stabilitetin global.
