Debat, akuza dhe lot në Gjykatën e Posaçme në seancën e radhës për vrasjen e ish-efektivit të policisë, Santiago Malko.
E ëma e Malkos i është drejtuar Leonard Dukës duke i thënë: “O maskara, ma vrave djalin 25 vjeç, si del aty?”. Duka që akuzohet si një nga autorët e krimit tha se “deklarimet e mia do i jap pasi të njihem me aktet, dua më shumë kohë”.
“Ne ramë dakord seancën e kaluar që ai te fliste sot”, tha prokurori Behar Dibra teksa ka ndërhyrë sërish mamaja e Malkos duke thënë “Nuk ka çfarë lexon fare. Burgim me vdekje”.
“Prokurori është i njëanshëm, më akuzon si organizator të vrasjes së Santiago Malkos. Dhe kam venë re qe do te më dënojë…Prokurori mos të korruptohet nga kriminelet e vendit por të beje detyrën” tha Duka.
