Mbrëmjen e djeshme Drejtori i Përgjithshëm i Policisë së Shtetit Ilir Proda ka thirrur të gjithë shefat e komisariatit për të dhënë porositë në lidhje me protestën që do mbahet sot nga opozita.
Ilir Proda mësohet se ka kërkuar që të mos provokohen nga protestuesit dhe ndërhyrjet duhet të jenë në rast nevoje.
“Kujdes mos u provokoni nga protestuesit. Nderhyrjet te jene te minimizuara vetem ne raste nevoje, mos të krijohen perplasje te provokuara. Ruani qetesine dhe godinat e institucioneve. Kujdes listat me emrat e personave qe kane precedentë te mbahen nen vezhgim. Te filmohen dhe dokumentohen te gjitha veprimet e dhunshme dhe te jashteligjshme”, ka thënë ai.
