Kryeministri Edi Rama ka nisur fjalën e tij në Selanik duke prezantuar 8 mësuesit e parë që do t’u mësojnë fëmijëve shqiptarë në Greqi gjuhën shqipe. Ai njoftoi se këta mësues, të cilët janë pjesë e një grupi prej 50, do të kenë kontratë me Ministrinë e Arsimit për të ofruar mësim në gjuhën amtare.
Rama u shpreh: “Motra dhe vëllezër shqiptarë të Greqisë, mirë se ju gjej këtë herë në Selanik. Me lejoni t’ju prezantoj disa nga ne, që siç e premtova pas takimit të paharrueshëm të Athinës, do të na ndihmojnë për të qëndruar më pranë fëmijëve tuaj për mësimin e gjuhës shqipe.”
Ai theksoi se mësueset janë të gjithë gra dhe i ftoi ato në skenë për të nënvizuar rëndësinë e kësaj iniciative për ruajtjen e identitetit dhe kulturës shqiptare në diasporë.
