Presidentja e Kosovës, Vjosa Osmani, ka paralajmëruar mundësinë e sulmeve të reja në vend, duke konfirmuar se janë duke u ndërmarrë masa për parandalimin e këtyre sulmeve, përfshirë bashkëpunimin me partnerët ndërkombëtarë.
Ajo theksoi se institucionet e Kosovës po bëjnë punë profesionale për të analizuar rrethanat dhe mundësitë për të parandaluar ndonjë përshkallëzim të mundshëm të situatës, jo vetëm në veri të vendit.
Osmani gjithashtu ka shprehur shqetësimin për mungesën e kërkimit të llogaridhënies nga bashkësia ndërkombëtare ndaj veprimeve të Serbisë, duke vënë në dukje se ky faktor ka inkurajuar Beogradin dhe grupet kriminale që të vazhdojnë të kërcënojnë sigurinë e Kosovës.
Gjatë një vizite në Bruksel, presidentja e Kosovës ka biseduar me liderët e Bashkimit Evropian, duke kërkuar më shumë angazhim dhe përgjegjshmëri për të ndaluar provokimet e Serbisë.
