Një mister i madh po ndodh në Shtetet e Bashkuara, pasi dronët e panjohur kanë filluar të shfaqen masivisht, veçanërisht në Nju Xhersi, duke shkaktuar shqetësim të thellë në mesin e qytetarëve dhe politikanëve. Presidenti Donald Trump anuloi një udhëtim të planifikuar për të shprehur shqetësimin mbi situatën dhe kërkoi transparencë nga administrata e Joe Biden. Nga 18 nëntori, janë raportuar 49 vëzhgime të tilla, dhe FBI dhe Departamenti i Sigurisë Kombëtare po hetojnë rastet, por deri më tani nuk ka pasur ndonjë rezultat të qartë.
Banorët e zonës kanë raportuar simptoma misterioze pas kontaktit me dronët, çka ka rritur frikën mbi natyrën e tyre. Teoritë për shfaqjen e këtyre dronëve përfshijnë mundësinë e spiunazhit nga vende si Irani, Kina dhe Rusia, si dhe teste të teknologjive të reja ushtarake. Kjo situatë ka shkaktuar tensione të mëdha dhe është bërë një nga temat kryesore të diskutimeve në SHBA, duke nxitur një debat të rëndësishëm mbi sigurinë kombëtare.
