Në Shqipëri nuk ka vetëm dhunë ndaj femrës, pasi nuk kanë munguar rastet kur edhe këto të fundit qëllojnë “kockë e fortë” dhe u kundërvihen burrave.
Një episod i tillë ka ndodhur dje në një fshat të Durrësit, ku një e re 27-vjeçare është arrestuar ditën e sotme nga policia, pasi ka dhunuar bashkëjetuesin e saj duke e bërë për spital.
Mësohet se 27-vjeçarja me iniciale B.P., banuese në fshatin Sukth, Durrës, në banesë ka goditur me sende të forta, bashkëjetuesin e saj, shtetasin A.B., 24 vjeç, nga Tale i Lezhës, duke i shkaktuar atij dëmtime serioze.
I riu i dhunuar nga partnerja ka përfunduar për mjekime në spital, në një kohë q ka kërkuar edhe ndihmën e policisë, pasi i rrezikohej jeta.
Ka qenë pikërisht policia që ka bërë prangosjen e të resë, e cila duket se ka qenë më e fortë nga ç’duhej.
Njoftimi i policisë:
“Nga specialistët për Hetimin e Krimit në Komisariatin e Policisë Lezhë, u bë arrestimi në flagrancë i shtetases B.P., 27 vjeçe, banuese në fshatin Sukth, Durrës, pasi në banesë ka goditur me sende të forta, duke i shkaktuar dëmtime, bashkëjetuesin e saj, shtetasin A. B., 24 vjeç, banues në Tale, Lezhë. Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme”.
/Priza.al/
