Vrasja e Presidentit të Haitit Jovenel Moïse natën e kaluar tronditi jo vetëm ishullin në amerikën jugore, por edhe gjithë botën. Por kjo nuk është hera e parë që një President është vrarë në krye të detyrës. Një përmbledhje të vrasjeve së 5 Presidentëve të SHBA-ve, ngjarje të cilat tronditën botën.
I pari president i SHBA që është vrarë është Abraham Lincoln, presidenti i 16 (12 korrik 1809- 15 prill 1865)
Ai u qëllua nga aktori John Wilkes Booth më 14 prill 1865 ndërsa ishte duke shikuar Our American Cousin në Teatrin e Fordit, Uashington D.C.. Ai qëllua me plumb në kokë dhe ndërroi jetë të nesërmen. Vrasja ishte pjesë e një komploti që vinte në fund të Luftës Civile Amerikane, që mendohej se kishte si synim ringjalljen e Konfederatës duke ekzekutuar zyrtarët më të lartë të SHBA-ve. Komplotistët Lewis Powell dhe David Herold u caktuan të vrisnin Sekretarin e Shtetit William H. Seward, dhe George Atzerodt ishte ngarkuar me detyrën e vrasjes së Zëvendës Presidentit Andrew Johnson. Përtej vdekjes së Lincoln, komploti dështoi: Seward u plagos vetëm dhe sulmuesi i mundshëm i Johnson-it humbi nervin. Pas një arratisjeje fillestare dramatike, Booth u vra në kulmin e një komploti 12-ditore. Poëell, Herold, Atzerodt dhe Mary Surratt u varën më vonë për rolet e tyre në komplot.
James A. Garfield, Presidenti i dytë amerikan që u ekzekutua (19 nentor 1831 – 19 shtator 1881)
Ai u qëllua me armë nga Charles J. Guiteau më 2 korrik të vitit 1881, ndërkohë që humbi jetën 11 javë më vonë më 19 shtator të 1881-shit. Garfield kishte planifikuar të largohej nga Uashingtoni më 2 korrik 1881, për pushimet e tij verore, dhe po atë ditë, Guiteau qëndroi në pritje të presidentit në stacionin hekurudhor Baltimore dhe Potomac, ku dhe e qëlloi atë. Atentati erdhi 4 muaj pas zgjedhjes së tij si president dhe shkaku dyshohet se kishte të bënte një hakmarrje imagjinare për një borxh politik që presidenti i kishte autorit. Në mungesë të antibiotikëve dhe të kuptuarit të praktikave moderne higjienike, mjekët kërkuan vazhdimisht plagën e hyrjes në pjesën e poshtme të shpinës së Garfield në ditët dhe javët pas vrasjes në një përpjekje të pasuksesshme për të gjetur dy plumbat. Presidenti qëndroi për më shumë se dy muaj para se të vdiste përfundimisht.
William McKinley është Presidenti i tretë amerikan që u vra (4 mars 1897- 14 shtator 1901)
Presidenti William McKinley po përshëndeste vizitorët në Ekspozitën Panamerikane në Buffalo, N.Y., më 6 shtator 1901, kur anarkisti polako-amerikan Leon Czolgosz doli nga turma, nxori një armë dhe gjuajti McKinley dy herë në bark. Plumbat nuk e vranë menjëherë Presidentin, ai vdiq tetë ditë më vonë, në 14 shtator nga gangrena e shkaktuar nga plagët e plumbit. Czolgosz, një anarkist i vetëshpallur, u sulmua nga të tjerët në turmë dhe mund të ishte vrarë po të mos ishte shpëtuar nga policia. Ai u burgos, u gjykua dhe u shpall fajtor në 24 Shtator. Ai u ekzekutua nga karrigia elektrike në 29 Tetor. Fjalët e tij të fundit, sipas gazetarëve që ishin dëshmitarë të ngjarjes, ishin: “Nuk më vjen keq për krimin tim. Më vjen keq që nuk mund ta shihja babanë tim “.
Warren G. Harding, Presidenti i katërt amerikan që është vrarë, i cili vdiq nga një sulm i papritur në zemër në apartamentin e tij në San Francisko, më 2 gusht 1923.
Vdekja e tij çoi shpejt në teori se ai ishte helmuar ose ishte vetëvrarë. Thashethemet e helmimit u nxitën, pjesërisht, nga një libër i quajtur Vdekja e Çuditshme e Presidentit Harding nga detektivi privat Gaston Means , i cili deklaroi se zonja e parë Florence Hardinge kishte helmuar burrin e saj pasi mësoi për tradhëtinë e tij. Refuzimi i zonjës Harding për të bërë autopsinë e Presidentit Harding vetëm sa i shtoi spekulimet.
Sigurisht që vrasja më e rëndë dhe më shokuese në histori është ajo e ekzekutimit të John F.Kennedy (29 maj 1917-22 nentor 1963)
Ai u vra më 22 nëntor 1963, në Dallas, Texas, ku u qëllua për vdekje nga Lee Harvey Osëald , i cili gjuajti tre të shtëna nga një dritare e katit të gjashtë në Shkollën e Teksasit në 12:30 pasdite, ndërkohë që në atë moment autokolona presidenciale kaloi nëpër Dealey Plaza. Pas sulmit autokolona e Presidentit nxitoi për në spital, në mënyrë që Presidenti të merrte ndihmën e shpejt, por fatkeqësisht ai humbi jetën nga plagët e marra. Shkaku i vrasjes dyshohet se lidhet me kundërshtimit e tij ndaj luftës në Vietnam dhe kompleksit ushtarako-industrial.
/Burimi ThoughtCo/ përshtati në shqip Priza.al/
