Armela Krasniqi është liruar nga detyra si kryetare e Agjencisë Telegrafike Shqiptare, pasi dy ditë më parë u zgjodh me 83 vota pro në krye të Autoritetit të Mediave Audiovizive.
Vendimi është marrë me propozim të Kryeministrit Edi Rama dhe Këshillit të Ministrave dhe hyn në fuqi menjëherë.
Vendimi:
Për lirimin dhe emërimin në detyre të Drejtorit të Përgjithshëm të Agjencisë Telegrafike shqiptare (ATSH) Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
V E N D O S I:
1.Znj. Armela Krasniqi, drejtor i Përgjithshëm i Agjencisë Telegrafike Shqiptare (ATSH), lirohet nga kjo detyrë. 2.Znj. Valbona Zhupa emërohet drejtor i Përgjithshëm i Agjencisë Telegrafike Shqiptare (ATSH).
Ky vendim hyn në fuqi menjëherë.
