Me 30 shtator Nicki Minaj solli në jetë djalin e saj të parë në Los Angelos nga lidhja me bashkëshortin e saj, Kenneth Petty. Ajo nuk ka preferuar të flasë për jetën e saj private, por së fundmi ka treguar diçka më shumë për fansat e saj.
Ajo ka treguar se vogëlushi është shumë i afërt me njerëzit dhe i do shumë ato, kryesisht gjyshen e tij, me të cilën ka një lidhje shumë të ngushtë.
“Ajo e merr në krahë dhe ai e përkëdhel nga fytyra. Dhe pastaj fillon e shikon… oh Zot, më fikson”, është shprehur Nicki e emocionuar.
“Për të gjitha nënat që duhet të ngrihen dhe të shkojnë çdo ditë në punë dhe të lënë fëmijën, Zoti ju bekoftë. E di që nuk është e thjeshtë”, ka thënë reperja gjatë një videoja live me ndjekësit.
Nicki është shprehur se ndihet fajtore ndonjëherë kur i duhet të largohet nga ai, qoftë dhe për një periudhë të shkurtër. Gjithashtu rikujtojmë që reperja nuk e ka zbuluar akoma emrin e djalit dhe gjithmonë i thërret ‘Papa Bear’.
/Priza.al/
