Situatë alarmante tek Anglia, 24 orë para finales së madhe me Italinë, ylli i skuadrës Phil Foden është dëmtuar në gju dhe ka braktisur stërvitjen. Ekipi mjekësor do ta vëzhgojë atë nga afër, por ylli i Manchester City mund të detyrohet të humbasë finalen e Euro 2020. Pjesa tjetër e skuadrës u stërvit normalisht pas testeve anti-covid, por Foden u detyrua të largohet duke shtrënguar dhëmbët.
Prishje planesh kjo për trajnerin Sauthgejt i cili dhe pse nuk e aktivizuar si titullar yllin e Sitit e shikon si të domosdoshëm në repartin e zëvendësimeve pasi hyrja e tij në fushë mund t’i japë skuadrës frymëmarrje dhe qarkullim të topit.
Sfida do të luhet mbrëmjen e nesërme në stadiumin mitik të ‘’Uemblit’’ dhe pritet të ketë interes të madh në sytë e shikuesve
/Priza.al/
