Ora policore mbetet deri në orën 24:00 si pasojë e masave anti-Covid, por disa subjekte nuk e zbatojnë këtë rregull të Komiteti Teknik i Ekspertëve. Policia ka gjobitur 4 pronarë subjektesh me nga 1 milionë lekë, 2 në Durrës, 1 në Himarë dhe 1 në Lezhë për shkak se thyen orën policore.
Në Durrës janë gjobitur me 1 milionë lekë Bejkim Toro, 30 vjeç dhe Majk Kulla 23 vjeç pasi janë kapur duke ushtruar aktivitetin me muzikë në kundërshtim me protokollet anti-Covid.
Për të njëjtën arsye është gjobitur edhe shtetasi Viktor Jushi në Lezhë.
Aksioni i Policisë për evidentimin e subjekteve që thyjenë rregullat e vendosura është shtrirë dhe në Himarë. Pronari i një subjekti në Drimadhes, Klevis Ullorsa është gjobitur me 1 milionë lekë.
Drejtoritë Vendore të Policisë Vlorë, Durrës e Lezhë apelojnë për të gjithë administratorët e lokaleve dhe qytetarët që të respektojnë masat anti-COVID dhe orarin e përcaktuar për ushtrimin e aktivitetit.
/Priza.al/
