Kryedemokrati Lulzim Basha hapi punimet e Kuvendit, ndërsa kërkoi nga të pranishmit në sallë, të mbajnë një minutë heshtje për të gjithë qytetarët shqiptarë që humbën jetën si pasojë e pandemisë.
“Të dashur demokratë dhe demokrate, të dashur mbështetës e simpatizantë, të nderuar anëtar dhe anëtare, të dashur bashkëqytetarë, të rinj dhe të reja, jam krenar që ndodhem mes jush në këtë sallë që e lartësoni dhe e zbukuroni me mbështetje. Ju ftoj që të mbajmë një minutë heshtje për jetët e humbura për shkak të COVID-19.
Zoti iu dhëntë paqe shpirtrave të tyre dhe iu dhëntë forcë familjeve të tyre. Një bilanc tragjik që bëhet edhe më pikëllues prej indinjatës, ku lotëve të familjarëve, iu kundërvihet propaganda e qeverisë. Kur shqiptarët kishin nevojë për ndihmë, iu ofruan gjoba.”- tha Basha.
/Priza.al/
