Ardhja e tij te Lazio nuk u prit mirë nga tifozët fanatik të ekipit kryeqytetas, por kënga e tij e më pasme “Bella ciao” u duk se i vuri “kapakun” gjithë pakënaqësive dhe racizmit italian për shqiptarët.
Tifozët racist lacial e kanë quajtur “krimb” mbrojtësin e kombëtares shqiptare, pikërisht për një këngë shumë të njohur italiane që i përket kohës së partizanëve.
Megjithatë, “kritikat” e tifozëve duket se i kanë bërë mirë mbrojtësit të kombëtares Elseid Hysaj.
Ai ka realizuar një gol mjaft të bukur në minutën e 36-të, në miqësoren që skuadra e Lacios ka zhvilluar ndaj skuadrës modeste të Belluno-s. Shqiptari merr me grintë topin në zonën e rreptësisë, shkon në fundore dhe godet fuqimisht drejt portës me të majtën.
Topi u përplas fillimisht në shtyllë e më pas përfundoi në rrjetë. Hysaj realizoi golin e katër për të tijtë, ndërsa pjesa e parë përfundoi me rezultatin 7-0 në favor të ekipit kryeqytetas.
Vlen të përmendet se Hysaj nuk e ka nisur në mënyrën e duhur aventurën e tij të re te Lacio. Ai u akuzua nga tifozët për këndimin e këngës “Bela Ciao”, që sipas tyre është një këngë fashiste dhe lidhet më shumë me rivalët e kryeqytetit, Romën.
Pavarësisht tensioneve të tifozëve, që shkuan deri aty sa kërkuan largimin e tij, shokët e ekipit të shqiptarit, klubi lacial, por jo vetëm, i kanë dalë në mbrotje, duke shprehur hapur mbështetjen në këtë moment të vështirë për të.
/Priza.al/
