Një 65-vjeçar nga Peqini është vënë në pranga dhe një 60-vjeçar është proceduar penalisht pasi akuzohen se kanë ndërtuar një rrugë për shfrytëzimin në mënyrë të paligjshme të inerteve.
Sipas njoftimit të policisë, përmes kësaj ndërhyrjeje, të dy personat kanë ndryshuar rrjedhën natyrale të ujit në lumin Shkumbin.
Njoftimi i policisë Peqin
Specialistët për Hetimin e Krimit në Komisariatin e Policisë Peqin, arrestuan në flagrancë shtetasin: E.M., 65 vjeç, banues në fshatin Karinë, Peqin si dhe është proceduar penalisht në gjendje të lirë shtetasi D.Z., 60 vjeç, banues në Peqin, pasi nē fshatin Bishqem Fushë, Peqin, kanë ndërtuar një rrugë për shfrytëzimin në mënyrë të paligjshme të inerteve duke penguar rrjedhjen natyrale të ujit në lumin Shkumbin. Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale.
/Priza.al/
