Evropa Perëndimore nuk po gjen qetësi! Pas Gjermanisë, Belgjikës dhe Holandës ku u regjistruan qindra viktima nga përmbytjet si dhe dhjetëra të tjerë të zhdukur, edhe Londra është goditur këtë të diel nga një valë e madhe përmbytjesh.
Përmbytjet e menjëhershme po shkaktojnë kaos në të gjithë Londrën pasi më shumë se dyfishi i reshjeve mesatare mujore të korrikut ra brenda disa orësh. Rrugët, metrotë dhe ambiente të tjera të kryeqytetit anglez i janë “dorëzuar” fuqisë së ujit.
Dy spitale të Londrës lindore u kanë kërkuar pacientëve të qëndrojnë larg pasi departamentet e tyre të urgjencës u goditën nga përmbytja të Dielën. Whipps Cross është pa energji dhe po evakuon 100 pacientë të shtruar dhe spitali Newham po u kërkon pacientëve të përdorin A & Es të tjerë për kujdes urgjent.
Zjarrfiksit e Londrës thonë se ka marrë më shumë se 1.000 thirrje të lidhura me përmbytjet. Ato shpëtuan njerëzit e bllokuar në makina dhe po ndihmon ata me bodrume të përmbytura dhe tavane të shembura. Ambulancat po ridrejtohen pasi shiu i rrëmbyeshëm shkaktoi përmbytje të mëdha në shtëpi, rrugë dhe stacione.
Autoritetet kanë këshilluar qytetarët që të shmangin lëvizjet e panevojshme dhe të qëndrojnë në shtëpi, ndërsa kanë shtuar se shira të rrëmbyeshëm pritet të ketë dhe gjatë të hënës. Ekspertët kanë paralajmëruar se disa biznese rrezikojnë të përmbyten, me shira që pritet të mbërrijnë deri në 55 mm.
Terrible terrible flooding in #SouthWoodford. Hope everyone is safe. pic.twitter.com/alwbcbprSA
— SWSociety (@SoWoSociety) July 25, 2021
“Nuk kam parë kurrë një përmbytje të tillë. E pabesueshme, të gjitha gjërat janë zhytur në ujë. Nuk kam parë asnjëherë një nivel të tillë përmbytjesh në Londër”, tha një qytetar.
Eshtë hera e dytë në një muaj që rrugët e kryeqytetit janë nën ujë. Reshjet e rrëmbyeshme kanë përcaktuar fundjavën, pas disa ditësh të motit të paqëndrueshëm, me kulme të nxehta duke shkulur 30C.
/Burimi: BBC/ përshtati në shqip Priza.al/
