Kryeministri Edi Rama, homologu i tij i Maqedonisë së Veriut, Zoran Zaev dhe presidenti serb Aleksander Vuçiç ditën e nesërme 29 korrik, do të mblidhen sërish bashkë në kuadër të Forumit Ekonomik për Bashkëpunimin Rajonal.
Ky takim do të mbahet në Shkup të Maqedonisë së Veriut ndërsa mësohet se takimi do të ketë pjesëmarrës edhe përfaqësues të Dhomave Tregtare të Shqipërisë, Maqedonisë së Veriut dhe Serbisë.
Forumi Ekonomik i Shkupit për Bashkëpunimin Rajonal është organizuar në kuadrin e Nismës së Katër Lirive (e njohur si “Shengeni Ballkanik”), nisur nga udhëheqësit e Shqipërisë, Maqedonisë së Veriut dhe Serbisë në Tetor 2019.
Qëllimi kryesor i nismës është që t’i bëjë nismat ekzistuese rajonale më efektive në mënyrë që të arrihen rezultate praktike dhe të dukshme për qytetarët e Ballkanit Perëndimor. Iniciativa çon në krijimin e një Tregu të Përbashkët Rajonal, i cili, duhet ta sjellë rajonin më pranë Bashkimit Evropian dhe të përshpejtojë rrugën drejt anëtarësimit të plotë.
Ideja e “Mini Shengenit” ka nisur në tetor të vitit 2019 në Nish të Serbisë, që atëherë zhvillohen takime të vazhdueshme për të konkretizuar planin ekonomik të 4 lirive
Këtu mund të lexoni agjendën e plotë.
/Priza.al/
