Lady Gaga shkëlqen në çdo skenë padyshim, por kalimi nga skena muzikore në atë të kinemasë ishte një ‘lëvizje’ perfekte. Ajo i është bashkuar një kasti aktorësh për filmin më të ri House Of Gucci” që pritet të dalë në kinema për Ditën e Falenderimeve.
Ditën e sotme u publikuan fotot e rolit të këngëtares e cila luan rolin e Patrizia Reggiani, e veshur e gjitha me të zeza në foto me një stil klasik italian.
Në një poster tjetër shfaqet kolegu i saj, Jared Leto, i cili nuk njihet fare për shkak të rolit të tij si Paolo Gucci. Në film luan edhe Adam Driver, i cili luan rolin e ish-bashkëshortit të Patrizia-s, i cili u vra në vitin 1995.
Në posterin e publikuar, Lady Gaga-s i referohen si fituese e çmimit Oscar, pasi në 2019 fitoi çmimin “Best Original Song” për këngën “Shallow” të filmit “A Star is Born”.
/Priza.al/
