Nuk ka dyshim se shumë nga bukuritë natyrore të vendit tonë janë mjaftë joshëse për vizitorët e huaj në kërkim të aventurës dhe të së resë.
Tashmë vendi ynë po tërheq shumë turistë të huaj për shkak të plazheve të bukura, por dhe çmimeve të leverdishme krahasuar me vendet më të frekuentuara në Europë.
Gazeta italiane “Il Corriere”, i ka kushtuar një artikull bukurisë së bregdetit tonë, ku dhe ka listuar 15 plazhet më të bukura që çdo turist duhet ti vizitojë.
Shkrimi i plotë:
Nga vendi i panjohur në destinacionin e pushimeve. Kush do ta kishte menduar se Shqipëria do të bëhej shpejt një nga destinacionet e reja verore evropiane të preferuara nga italianët dhe jo vetëm.
Vitet e fundit, Toka e Shqiponjave është rilindur: e re, dinamike, krijuese, pavarësisht problemeve të secilit vend në zhvillim. Qytetet e gjalla, deti i kristaltë, peizazhet e paprishur dhe disa nga plazhet më të bukur në gadishullin Ballkanik.
Ja cilat janë plazhet për t’u vizituar për tu vizituar në Shqipëri:
Plazhet më të mira janë në jug të vendit, midis qytetit të Vlorës dhe Ksamilit, në kufi me vendin fqinj, Greqinë. Disa vende si Sazan dhe Karaburuni mund të arrihen me varkë, të tjerët, si Gjipe mund të vizitohen gjatë itinerarit.
Duke zbritur është Porto Palermo, me kështjellën e Ali Pashës me pamje nga deti, dhe Borshi, i përqafuar nga një hapësirë pemësh ulliri dhe shkurre mesdhetare. Dhe pastaj Himara dhe Saranda deri në Ksamil, i famshëm për perëndimet e diellit dhe ujërat që zbehen nga bluja në të kaltër e detit.
Në veri të Shqipërisë, megjithatë, është Velipoja dhe Kepi i Rodonit, ku mund të admironi edhe mbetjet e një kështjelle të lashtë nga koha e Skënderbeut, heroit kombëtar shqiptar.
/Priza.al/
