Një ngjarje e rëndë është shënuar mbrëmjen e së dielës në fshatin Losnik të Pogradecit.
Një nënë e re vetëm 24-vjeçare është vetëvarur në banesën e saj dhe mendohet paraprakisht se shkak mund të ketë qenë depresioni.
Sipas policisë, R.D., nënë e një fëmije të mitur, është gjetur e vetëvarur në banesë nga prindërit, të cilët kishte shkuar për t’i vizituar.
Policia po punon për zbardhjen e rrethanave të kësaj ngjarje, ndërsa trupi është transportuar në morgun e Pogradecit.
Njoftimi i policisë:
“Pogradec/Informacion paraprak
Më datë 01.08.2021, në mbrëmje, në fshatin Losnik, Pogradec, në banesë, është gjetur e vetëvarur shtetasja R. D., rreth 24 vjeçe.
Nga këqyrja paraprake e trupit, nuk vërehen shenja dhune përveç asaj të shkaktuar nga vetëvarja.
Grupi hetimor po punon për të zbardhur rrethanat e ngjarjes”.
/Priza.al/
