Lionel Messi është përlotur teksa ka folur në konferencën për shtyp. Ai largohet pas dy dekadash të arta ku fitoi gjithcka. Një nga pyetjet që iu drejtuar ishte transferimi te PSG.
“PSG është një mundësi, por në këtë pikë nuk kam asnjë marrëveshje me askënd. Kur doli deklarata e largimit kisha disa telefonata nga klubet e interesuara. Ende nuk ka asgjë të mbyllur, por ne po flasim”, u shpreh Messi.
Gjithashtu argjentinasi u pyet edhe për rinovimin me klubin katalanas.
“Mendoja se gjithçka ishte në rregull, më pas në momentin e fundit nuk ishte e mundur që të rinovoja kontratën me Barçën për shkak të La Liga-s. Kjo është ajo që ndodhi. Laporta thotë se nuk mund të bëjnë asgjë për shkak të La Liga-s. Unë mund të them vetëm se kam bërë gjithçka është e mundur për të qëndruar këtu”, mbylli fjalimin Messi.
/Priza.al/
