Maria Licciardi, e njohur me nofkën “Nëna” për bashkëpunëtorët e saj, është arrestuar nga policia italiane ndërsa po përpiqej të largohej nga vendi për në Spanjë. E moshuara, 70 vjeç ishte përgatitur për të fluturuar në Malaga, atje ku jeton vajza e saj por nuk iu realizua plani.
Ajo njihet si një nga drejtueset më famëkeqe të Ndrangheta-s, e cila ishte shpallur në kërkim për më shumë se 2 vite, pasi akuzohej për zhvatje, marrje fondesh dhe manipulime në tendera.
Licciardi, e quajtur gjithashtu ““a piccirella”” ose e vogla për shkak të shtatit të saj të vogël, është një anëtare e klanit të familjes Camorra, të themeluar nga vëllai i saj i ndjerë, Gennaro Licciardi, i cili vdiq në burg në 1994.
Ministrja e brendshme, Luciana Lamorgese, vlerësoi arrestimin e Maria Licciardi, 70 vjeç, nga oficerët e Karabinierëve me urdhër të prokurorëve të Napolit.
Njësia antimafia e Napolit beson se ajo ka drejtuar në mënyrë efektive organizatën e të vëllait pas burgosjes së tij dhe pretendojnë se ajo është një figurë kryesore në trafikun e drogës dhe pastrimin e parave.
Policia në Napoli filloi një goditje ndaj familjeve mafioze në qershor 2019, duke arrestuar më shumë se 120 anëtarë të klanit Camorra, të cilëve u konfiskoi pasuri me vlerë 130 milionë euro. Por Licciardi arriti t’i shpëtonte arrestimit gjatë operacionit.
/Burimi Ansa.it/ përshtati në shqip Priza.al/
