Tentativë për vrasje të rëndë të shumëfishtë dhe posedim dhe mbajtje të paligjshme të armëve luftarake.
Këto janë akuzat me të cilat do të përballet Ibrahim Rudi, 21-vjeçarit me origjinë shqiptare i cili, në agimin e djeshëm, tërhoqi këmbëzën e armës kundër ish-të dashurës së tij e cila ndodhej në shtëpinë në rrugën Kennedy në shoqërinë e motrës dhe miqve të tjerë.
Qëllimi, siç u tha në dekretin e arrestit të nënshkruar nga Zëvendës Prokurorja Maria Consolata Moschettini, ishte të vriste atë ose këdo që ishte pranë saj, duke “shkarkuar” kundër tyre 18 të shtëna që përfunduan në murin e një apartamenti me pamje nga rruga në qendrën historike të Galipoli, në Lece. Fatmirësisht ai nuk arriti të lëndojë asnjë.
Historia e atij momenti
Falë dëshmisë së motrës së vajzës, e cila kishte qenë e lidhur romantikisht me agresorin deri pak kohë më parë, policia kanë arritur të mbylli rrethin.
“Fillova të bërtas duke thënë se ai ishte i armatosur për t’i dhënë të gjithëve një shans për të shpëtuar dhe ai filloi të qëllojë pa pushim mbi të gjithë ne. Nga zhurma e armës ishte shumë e çuditshme dhe, me aq sa munda të kuptoj ishte një mitraloz. Mund të nxjerr përfundimin se arma ishte e mbushur sepse nuk dëgjova asnjë zhurmë në lidhje me ngarkimin e saj. Të shtënat ishin të shumta dhe drejtoheshin drejt të gjithë grupit, në lartësinë e burrit. Pasi qëlloi, ai iku në drejt zonës së Arco-s bashkë me një mikun e tij “.
Fjalët e një shoqeje ishin gjithashtu dramatike: “Kur befas dëgjova të shtënat që vinin nga rruga, fillova të vrapoja për të kërkuar nje vend shpëtimi dhe pashë ish -in e shoqes time që kishte një armë në dorë dhe po gjuante”.
Një sekuencë e kapur nga kamerat e vëzhgimit, e cila përfundoi në tryezën e `bluve` që kërkuan brenda videos fytyrën e sulmuesit, të përshkruar tashmë nga dëshmitarët.
Një pjesë tjetër për të kompletuar figurën ishte motivi. Ishte e qartë, në atë pikë, se arsyeja e asaj çmendurie duhej gjetur në marrëdhënien e trazuar mes 21-vjeçarit dhe ish-të dashurës që kishte vendosur t’i jepte fund lidhjes, të acaruar nga shpërthimet e vazhdueshme të xhelozisë. Diskutimet të cilat shpesh rezultonin në sjellje agresive dhe kërcënuese.
Makina e braktisur dhe rrobat e djegura
Rudi kishte orët e numëruara, i kërkuara siç ishte nga të gjitha patrullat. Dhe kështu ndodhi, përkundër përpjekjeve për ta bërë atë të humbasë gjurmët: së pari duke braktisur makinën, pastaj duke u përpjekur të djegë rrobat e veshura gjatë bastisjes e cila, për fat të mirë, nuk përfundoi në tragjedi
Shqiptari ndodhet tashmë në burgun e Leçes dhe do të mbrohet nga avokati Simone Viva, ndërsa pritet që ditët në vijim të dalë para gjykatës për vlerësim të masës së arrestit.
/Burimi: Leccenews24/ përshtati në shqip: Priza.al/
