Vijon zjarri në Majën e Rrunës në Kukës. Komisioni i Mbrojtjes Civile në Prefekturën e Kukësit njofton se, situata e zjarrit të rënë në Maja e Rrunës Njësia Administrative Malzi, vazhdon të jetë problematike me gjithë punën e bërë nga forcat e angazhuara nga bashkia Kukës dhe forcat e DMR-së Kukës.
Sot nga bashkia janë angazhuar 10 forca të MZSH-së, 6 punonjës të pyjores dhe Njësisë Administrative Malzi, 4 nga komuniteti dhe 15 forca të DMR-së Kukës.
Ndërkohë që pritet mbërritja e një helikopteri për të ndërhyrë nga ajri për shuarjen e zjarrit.
Sipas një njoftimi zyrtar të Komisionit të Mbrojtjes Civile Prefektura Kukës, që kërkon ndërhyrjen me helikopter për shuarjen e flakëve, situata në Majën e Rrunës vijon të jetë problematike.
Zjarri vijon të përpijë dhjetëra hektarë tokë në majën e Rrunës në Kukës, ku prej disa ditësh kjo vatër vijon të jetë aktive dhe shumë problematike.
“Situata e zjarrit të rënë në Maja e Rrunës Nj.Ad Malzi bashkia Kukës vazhdon të jetë problematike me gjithë punën e bërë nga forcat e angazhuara nga bashkia Kukës dhe forcat e DMR-së Kukës. Sot nga bashkia janë angazhuar 10 forca të MZSH-së, 6 punonjës të pyjores dhe Nj.Ad Malzi, 4 nga komuniteti dhe 15 forca të DMR-së Kukës. Në pritje për helikopter”,- thuhet në njoftimin zyrtar të Komisionit të Mbrojtjes Civile Prefektura Kukës.
/Priza.al/
