Autoritetet shqiptare kanë nisur punën për strehimin e shtetasve afganë pas largimit nga vendi i tyre. Ashtu siç është bërë e ditur edhe një ditë më parë (16 gusht), vendi ynë ka vendosur në dispozicion disa baza ku do të strehohen afganët.
Një prej tyre janë dhe konviktet e Qytetit Studenti. Mësohet se deri më tani janë zbrazur dhe janë bërë gati 6 godina. Siç mund të shihet edhe nga pamjet, godinat 2, 4, 7-8, 24-25, po boshatisen dhe po pastrohen.
Pak ditë më parë qeveria shqiptare pranoi strehimin e të paktën 2000 afganëve, gazetarë dhe diplomat pas largimit nga vendi i tyre. Talebanët kanë pushtuar më shumë se 1/3 e territorit të Afganistanit ku ditën e djeshme “u rrëzua” kryeqyteti Kabuli.
Në Shqipëri pritet të mbërrijë grupi i parë i afganëve prej 250 personash. Ata do të strehohen në Durrës dhe Tiranë.
/Priza.al/
