E ardhmja e Cristiano Ronaldos duket se nuk është shumë e qartë në këto momente. Ka raportime se mund ta shikojmë në Juventus, Real Madrid, Manchester City ose PSG.
Kontrata e fenomenit sportiv me Juventus mbaron në qershor të 2022 dhe në dukje asnjëra palë nuk kërkon një rinovim.
Ajo që mbetet për t’u parë është nëse Cristiano do të presi të skadojë kontrata apo do ta mbyllë verën me një transferim.
Tuttosport pohon se ka shumë gjasa që sulmuesi portugez të qënrojë në Juventus deri në përfundim të kontratës, ndërsa Corriere dello Sport shkroi se portugezi kishte ofruar shërbimet e tij tek Manchester City përmes agjentit Jorge Mendes.
City po kërkon me ngulm një qendërsulmues dhe është gati të shpenzojë 150 milionë europër Harry Kane, që luan tek Tottenham Hotspur.
Nga ana e PSG mund ta kërkonte Ronaldon për të krijuar super partneritetin me Lionel Messin, vetëm nëse Kylian Mbappe do të kalonte tek Real Madrid.
Emisioni televiziv spanjoll El Chiringuito pohoi se ishte në fakt Ronaldo ai që do të kthehej në Real Madrid për një ribashkim me ish-trajnerin e tij Carlo Ancelotti.
Sidoqoftë, këtë pasdite Ancelotti konfirmoi përmes mediave sociale se ai “kurrë nuk ka kërkuar ose planifikuar të nënshkruajë me të këtë verë”.
/Priza.al/
