Gjendja shëndetësore e komentatorit të njohur sportiv Kostandin Grillo, pas infektimit me koronavirus është rënduar edhe më shumë, teksa ndodhet i shtruar në një nga spitalet e Turqisë.
Kolegu i tij, gazetari Ervin Petraq Baku me anë të një postimi në rrjetet sociale, ka njoftuar se Grillo ka nevojë për ndihmë, pasi duhet t’i nënshtrohet një trajtimi të ri i cili është i kushtueshëm dhe familja e komentatorit e ka të pamundur ta përballojë.
“Familja nuk ka më asnjë mundësi të përballojë shpenzimet marramendëse të spitalit turk. JU LUTEM, ta ndihmojmë vëllain tonë KOSTA GRILLO!”, shkruan gazetar Baku.
POSTIMI I PLOTE
THIRRJE URGJENTE!!!
Vëllai jonë KOSTA GRILLO ka shumë nevojë për ndihmën tuaj!!! Situata është kritike dhe do të aplikohet një trajtim i ri (stem cell) për ta kthyer vëllain tonë mes nesh.
Mikrofoni i sportit po pret me padurim padronin e tij!
Familja nuk ka më asnjë mundësi të përballojë shpenzimet marramendëse të spitalit turk.
JU LUTEM, ta ndihmojmë vëllain tonë KOSTA GRILLO!
Sipas mundësisë tuaj, jepni një kontribut financiar në këtë llogari:
Llogaria është në emër të : LEDIA GRILLO KASEM
Raiffeissen Bank
Nr. llogarisë dhe IBAN: AL74202120070000000200014318
Çdo minutë vlen!!!
Më 12 gusht Kosta Grillo u dërgua për mjekim të specializuar në Turqi në spitalin Memorial që është i specializuar për koronavirusin. Kosta Grillo përveçse komentator dhe gazetar prej vitesh është edhe menaxher futbollistësh. Grillo nuk ishte infektuar më parë me Covid dhe prej disa ditësh ka qenë i shtruar në një spital privat në Tiranë por me rëndimin e gjendjes u dërguar në Turqi.
/Priza.al/
