Një krim në familje ka tronditur qytetin e Shkodrës mesditën e sotme. Mësohet se një burrë ka ekzekutuar gruan e tij dhe më pas ka qëlluar edhe veten për vdekje. Ngjarja e rëndë është regjistruar në lagjen “Ahmet Haxhia” të Shkodrës. Ende nuk dihen rrethanat e krimit të dyfishtë. Policia është në vendin e ngjarjes dhe ka rrethuar zonën. Emrat e viktimave janë Fadil dhe Sanije Bandulla.
Shkodër/ Informacion paraprak
Sot me datë 18.08.2021 në lagjen “Ahmet Haxhia”, Shkodër, dyshohet se shtetasi F. B., 79 vjeç në banesë ka vrarë me armë zjarri bashkëshorten e tij shtetasen S. B., 83 vjeçe dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e zjarrit automatik me të cilën dyshohet se shtetasi F.B ka varrë bashkëshorten dhe më pas veten.
Nga veprimet e para hetimore dyshohet se ngjarja ka ndodhur para disa ditësh .
Grupi hetimor nën drejtimin e Prokurorisë Shkodër, vijon punën për sqarimin e plotë të rrethanave të kësaj ngjarjeje.
/Priza.al/
