Aeroporti i Kabulit është një nga pikat e pakta që shërben për largimin e afganëve të rrezikuar nga vendi. Aktualisht atje ka mijëra persona, që presin me dëshpërim se çfarë do të ndodhë me fatet e tyre. Pamjet e fundit që vijnë nga Afganistani janë vërtetë të rënda.
“Turma të mëdha” të “vendasve të tmerruar” po bllokojnë rrugën, i është thënë DailyMail, pavarësisht se ministrat britanikë këmbëngulin se rojet talebane po i lejojnë njerëzit përmes pikave të kontrollit dhe aeroplanët nuk janë duke u nisur bosh.
Videot kapën pamjet e kaosit ndërsa personat e armatosur qëlluan mbi kokat e turmave. I tillë është dëshpërimi midis turmave në aeroport, saqë gratë u janë drejtuar kalimit të foshnjave mbi tela me gjemba te ushtarët, në një përpjekje të kotë për t’i nxjerrë ata jashtë vendit. Nënat iu përgjëruan ushtarëve britanikë që t’i dërgonin në në vend të sigurt.
Një oficer ushtrie rrëfeu skenën për “Indipendet” duke u shprehur: “Kishte nëna të dëshpëruara që po dhunoheshin nga talebanët. Ato bërtisnin: ‘ma shpëto fëmijën!’ dhe i hidhnin foshnjat te ne. Disa foshnja ranë mbi telat me gjemba. Ajo çka ndodhi ishte një tmerr. Deri në fund të ditës nuk mbeti asnjë prej nesh pa qarë”.
Një afgano-australian që përpiqet të largohet nga vendi gjithashtu i tha ABC se nuk është e mundur të shkosh në aeroport sepse ka “shumë të shtëna” dhe “shumë njerëz”, ndërsa Max Sangeen, një përkthyes kanadez, tha se gruaja dhe fëmijët e tij – përfshirë një foshnjë 20-ditëshe- janë bllokuar në Kabul pavarësisht se kanë dokumentet e sakta.
Por nuk është e qartë se çfarë mund të bëjnë trupat perëndimore për të ndihmuar. Ka rreth 6,000 ushtarë amerikanë dhe 900 britanikë në aeroport – së bashku me një numër më të vogël të turqve dhe australianëve – por juridiksioni i tyre shtrihet vetëm deri në murin rrethues. Përtej kësaj, talebanët janë në krye.
Ata që janë në terren thonë se islamistët nuk kanë shumë ose aspak ide se çfarë po bëjnë apo kë të lejojnë, pasi OKB -ja paralajmëroi se luftëtarët po gjuajnë nëpër turmë ata që bashkëpunuan me forcat britanike ose amerikane në mënyrë që ata të mund të “ndëshkohen” – pavarësisht ‘sigurimit’ publike se nuk do të ketë sulme hakmarrëse.
Sekretari britanik i mbrojtjes Ben Wallace tha sot se rojet talebane po i lejojnë njerëzit me dokumente udhëtimi përmes pikave të kontrollit dhe fluturimet britanike nuk po e lënë vendin bosh – duke këmbëngulur se “asnjë vend i vetëm nuk është humbur”.
Ai zbuloi se 120 njerëz u evakuuan këtë mëngjes, me 138 që pritet të pasojnë më vonë. Kishte tetë aeroplanë transporti RAF – të përbërë nga A400 Atlas, C -130 Hercules dhe C -17 Globemasters – të planifikuar të largoheshin sot nga Kabuli.
Por me transportet ushtarake në gjendje të transportojnë deri në 150, kjo do të thotë se do të ketë vende bosh në fluturime pavarësisht pretendimeve të Wallace.
Pasagjerët ishin të përbërë nga qytetarë britanikë, media dhe staf i të drejtave të njeriut dhe afganë që kishin punuar për britanikët.
Nga krahu tjetër, talebanët priten të vendosin në vend rregulla strikte. Gratë janë ata që e pësojnë më tepër, pasi nuk i lejohen të punojnë, të dalin të zbuluara në publik apo të shkojnë në shkolla.
Në rast se nuk zbatohen masat e vendosura nga talebanët, ushtarët e këtyre të fundit, janë të gatshëm për përdorin armët, e të vrasin gjithkënd që i ndalon në rrugën e tyre. Për më shumë ju ftojmë të ndiqni fotot e mëposhtme.
/Burimi: DailyMail/ përshtati në shqip Priza.al/
