Policia e Kurbinit identifikon dhe shpall në kërkim 21-vjeçarin që qëlloi me kallashnikov në ajër nga automjeti në ecje, gjatë një ceremonie dasme, duke rrezikuar jetën e qytetarëve, dhe më pas e postoi videon në rrjetet sociale.
21-vjeçari Klajdi Tafaj, banues në fshatin Gjormë, Kurbin, është arrestuar pasi shfaqej duke qëlluar me kallashnikov nga dera e një ‘Range Rover’, i pashqetësuar në një rrugë plot me makina.
Ngjarja ka ndodhur me datë 15 gusht, ku Klajdi Tafaj ka qëlluar në ceremoninë e dasmës së kushëririt të tij, shtetasit M. T.
Sakaq policia ka proceduar penalisht edhe dhëndrin, që po merrte nusen, 30-vjeçarin me iniciale M.T, për veprën penale “Moskallëzimi i krimit”.
Arna e zjarrit kallashnikov me krehër me fishekë, me të cilën dyshohet të jetë qëlluar, u gjet dhe u sekuestruar gjatë kontrollit në banesën e 21-vjeçarit Klajdi Tafaj.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprat penale “Mbajtja pa leje e armëve të zjarrit dhe municionit luftarak”, “Prishja e rendit dhe qetësisë publike” dhe “Moskallëzimi i krimit”.
/Priza.al/
