Një 50-vjeçar është arrestuar pasi u kap me 4 mina me telekomandë, të cilat i kishte gati për t’i shitur. Në pranga ka rënë poseduesi i tyre Arben Elezi, 50 vjeç, banues në fshatin Larushk, Fushë Krujë.
Arben Elezi është ndaluar në Shkafanë, Ishëm, Durrës, dhe gjatë kontrollit fizik i gjetën dhe sekuestruan në cilësinë e provës materiale 4 mina me telekomandë të lidhura me aparat celular, të cilat ky shtetas do t’i shiste kundrejt shumës 10.000 euro.
Sipas policisë operacioni “Furnitori” u organizua pas marrjes së informacioneve se një shtetas me tendencë kriminale në fushën e prodhimit dhe shitjes së minave me telekomandë po tentonte të shiste mina me telekomandë, kanë organizuar punën dhe kanë finalizuar me sukses operacionin policor të koduar “Furnitori”.
/Priza.al/
