GJIROKASTËR- Dy persona janë arrestuar ditën e sotme, pasi ishin të shpallur në kërkim nga policia. Ilia Margo dhe Çajup Tefa akuzohen për veprën penale “Ndihmë për kalim të paligjshëm të kufirit”.
Arrestimi i tyre u bë pasi Gjykata e Shkallës së Parë në Tiranë dënoi ata me nga 3 vite dhe 4 muaj burg.
Njoftimi i Policisë:
Gjirokastër/ Vijon puna për kapjen e personave të shpallur në kërkim. Kapen dhe ndalohen dy shtetas të shpallur në kërkim për veprën penale “Ndihmë për kalim të paligjshëm të kufirit”.
Specialistët e Seksionit për Hetimin e Narkotikëve dhe Trafiqeve në DVP Gjirokastër, në vijim të punës për kapjen dhe vënien përpara përgjegjësisë ligjore të personave të shpallur në kërkim, bënë të mundur kapjen dhe ndalimin e shtetasve Ilia Margo, 60 vjeç, banues në Gjirokastër dhe Çajup Tefa, 50 vjeç, banues në Gjirokastër.
Kapja dhe ndalimi i shtetasve të mësipërm u bë pasi, Gjykata e Posaçme e Shkallës së Parë për Korrupsionin dhe Krimin e Organizuar Tiranë i ka dënuar(secilin) me nga 3 vite e 4 muaj burgim, për veprën penale “Ndihmë për kalim të paligjshëm të kufirit”.
Materialet në ngarkim të shtetasve Ilia Margo dhe Çajup Tefa i kaluan Prokurorisë së Posaçme Kundër Korrupsionit dhe Krimit të Organizuar Tiranë për veprime të mëtejshme.
/Priza.al/
