Një ngjarje e rëndë raportohet nga Shijaku. Një kufomë e dekompozuar është gjetur këtë mbrëmje në një parcelë toke.
Mësohet se kufoma u gjet në Shijak, por ende nuk bëhet me dije vendi i saktë. Nuk dihet nëse trupi i përket gjinisë mashkullore, apo identiteti i të vdekurit.
Policia nuk ka dhënë një njoftim zyrtar për ngjarjen, ndërkohë që mësohet se trupi është dërguar në morg.
Trupi i pajetë do t’i nënshtrohet ekzaminimeve për të zbuluar nëse kemi të bëjmë me një vrasja apo vdekje aksidentale.
Policia njofton se nga këqyrja paraprake e trupit nuk janë konstatuar shenja dhune apo dëmtime të shkaktuara nga armë zjarri.
Shijak/Informacion paraprak
Më datë 30.08.2021, rreth orës 21:45, në Gjepalaj, Shijak, në një parcelë toke, është gjetur një kufomë pjesërisht e dekompozuar, e gjinisë mashkullore, (dyshohet endacak).
Nga këqyrja paraprake e trupit nuk janë konstatuar shenja dhune apo dëmtime të shkaktuara nga armë zjarri.
Grupi hetimor nën Drejtimin e Prokurorisë së Rrethit Gjyqësor Durrës, vijon punën për identifikimin dhe përcaktimin e humbjes së jetës.
/Priza.al/
