Me një shpejtësi që nuk shikohet shpesh, Prokuroria e Përgjithshme ka plotësuar kërkesën e presidentit Ilir Meta për verifikimin e kandidatëve për ministra.
Pasi Meta kërkoi informacion mbi listën e propozuar, organi i akuzës bën me dije se asnjë nga emrat e qeverisë nuk është proceduar, nuk është nën hetim dhe nuk ka probleme me ligjin.
“Asnjë nga emrat e qeverisë nuk është proceduar. Asnjë nga emrat e emëruar s’ka probleme”, thuhet në përgjigjen e Prokurorisë ndaj Kreut të Shtetit.
Një ditë më parë, Meta, me anë të një shkrese zyrtare kërkoi që Prokuroria e Përgjithshme t’i vinte në dispozicion çdo të dhënë në lidhje me proceset hetimore apo penalë që mund të ishin nisur për ministrat e propozuar.
Ndërkaq SPAK ende nuk i ka kthyer përgjigje presidentit Ilir Meta në lidhje me kërkesën e bërë për verifikimin e kandidatëve për ministra.
/Priza.al/
