Pamje të rënda janë bërë virale në rrjet të një mësueseje në Itali e cila ushtron dhunë mbi nxënësit
Mësuesja 59-vjeçare në Monza të Italisë është pezulluar nga detyra për një vit, pasi u filmua nga kamerat e sigurisë duke dhunuar vogëlushet. Në pamjet e publikuara, shihet se si mësuesja dhunon 17 fëmijët e grupit, të moshës mes 3 dhe 5 vjeç.
Sipas raportimeve njëri prej tyre, ishte fëmijë me aftësi të kufizuara.
E gjitha nisi nga një denoncim i nënës së njërës nga fëmijëve. Më pas policia instaloi në godinë, kamera dhe mikrofona, për të parë të gjithë sjelljen e mësuesve.
“Të pres duart, të heq kokën, bishë, patë”, ishin disa nga fjalët e përdorur nga mësuesja. Institucioni ka vendosur të pezullojë prej 1 vit mësuesen, ndërsa kjo e fundit pritet të paraqitet para gjykatës për të dhënë versionin e saj për ngjarjen.
/Priza.al/
