Ish-kryeministri i vendit, Sali Berisha nuk ishte i pranishëm ditën e sotme në seancën parlamentare dhe ka reaguar me anë të një postimi në rrjete sociale ku rikujton orën 18:00 me anëtarësinë e Partisë Demokratike të degëve të Tiranës dhe thekson se “Foltorja për PD” do e nxjerrë partinë më të fortë
POSTIMI I PLOTË I BERISHËS:
Miq, nje pershendetje te perzemert me kete foto diten qe nisim Foltoren per nje Parti Demokratike me te bashkuar, me te forte, me te hapur. Rroft Partia Demokratike! Sb.
Ditën e sotme, ish-kryeministri Sali Berisha pritet të nisë një tur takimesh nga Tirana më pas në Shkodër dhe në të gjithë Shqipërinë me anëtarësinë e Partisë Demokratike. Ish-kryeministrit i është bashkuar edhe Bujar Nishani dhe disa nga deputetët e grupit parlamentar të PD. Berisha kërkon që anëtarësia e Partisë Demokratike të zhbëjë vendimin e kryetarit Lulzim Basha për ta përjashtuar nga grupi parlamentar.
/Priza.al/
