Një grua 51-vjeçare shqiptare ka humbur jetën si pasojë e një aksidenti me biçikletë në Itali. Albana Bega jetonte së bashku me burrin dhe djalin e saj në Porto Potenza, prej 20 vitesh dhe kishin ndërtuar jetën aty.
“Ajo ishte një grua që ishte gjithmonë e buzëqeshur, e lidhur me familjen. Ajo kishte jetuar në Porto Potenza, prej vitesh dhe ishte gjithmonë në biçikletë, e njihja për punë, por do të më mungojë shumë”,- kështu u shpreh Emanuela, një e njohur e viktimës.
Sipas mediave italiane, 51-vjeçarja me origjinë shqiptare vdiq dje, gruaja e quajtur Albana Bega, ishte një përdoruese e rregullt e biçikletës dhe aksidenti ndodhi vetëm disa qindra metra larg shtëpisë së saj.
Ajo nuk arriti t’i mbijetonte dot plagëve të marra, pavarësisht se u dërgua me shpejtësi në spital nga një ambulancë.
Albana la pas burrin e saj Luanin dhe të birin. Ndërkohë që vetëm 10 ditë më parë ajo kishte humbur babanë e saj.
/Priza.al/
