Një ngjarje e rëndë ka ndodhur në Suharekë të Kosovës ditën e sotme, ku në fshatin Neperbisht është i gjetur i djegur në ambientet e banesës një qytetar.
Policia e Kosovës bën me dije se pronari 68-vjeçar i shtëpisë, nuk ka mundur dot të shpëtojë pas përfshirjes së banesës së tij nga flakët. Trupi i 68-vjeçarit është dërguar në morg për t‘i bërë ekspertizën mjeko-ligjore, ndërkohë që policia po vijon hetimet për rastin në fjalë.
Njoftimi i policisë:
“Fsh. Neperbisht, Suharekë, 07.10.2021 – 07:44. Raportohet se në zjarr është përfshirë një shtëpi (kasolle). Zjarrfikësit kanë lokalizuar dhe fikur zjarrin. Në brendi të shtëpisë, është gjetur pa shenja jete pronari i shtëpisë, mashkull kosovar . Me vendim të prokurorit, trupi i pa jetë i viktimës është dërguar në IML për obduksion. Rasti duke u hetuar”, shkruhet në njoftimin e policisë.
/Priza.al/
