Angelina Jolie bëri një postim emocional në Instagram në lidhje me romanin e saj të ri “Know Your Rights And Claim Them: A Guide for Youth”.
Përveç ndarjes së disa fotografive nga nënshkrimi i librit të saj në Los Angeles, ylli 46-vjeçar tha se ajo është aq e frymëzuar nga të rinjtë në të gjithë botën që janë në vijën e parë të luftës për të drejtat e njeriut.
Ajo vazhdoi të theksojë se në kampet e refugjatëve dhe zonat e konfliktit globalisht, fëmijët po mbajnë barrën e pasojave të atyre vendimeve të gabuara, shkruan DailyMail.
“Kur fëmijët dhe të rinjtë kanë agjencinë, fuqinë dhe njohurinë për të folur, ata mund të ndryshojnë jetën e të rinjve dhe të rriturve, duke ndihmuar në arritjen e një shoqërie më të barabartë”, u shpreh Jolie.
Libri trajton identitetin, drejtësinë, edukimin dhe mbrojtjen nga dëmet, mes çështjeve të tjera. Ai siguron udhëzime për t’u bërë aktivist, të qenit i sigurt dhe një fjalor i termave dhe organizatave.
“Përmes librit, ju duhet të gjeni rrugën tuaj përpara, sepse ne jemi shumë të shqetësuar për sigurinë e fëmijëve. Ne nuk duam që fëmijët të vrapojnë vetëm duke bërtitur për të drejtat e tyre dhe duke e vënë veten në rrezik”, tha Jolie.
Libri është i mbushur me shembuj të zërave të rinj të fuqishëm nga e gjithë bota, përfshirë fituesin e Çmimin Nobel për Paqe, Malala Yousafzai, aktivisten Greta Thunberg dhe gazetaren 15-vjeçare palestineze, Janna Jihad.
/Priza.al/
