Një aksident ka ndodhur pak minuta më parë në Tiranë. Nga pamjet e para që sjell “BalkanWeb” shihet se një makinë është përplasur me një motor, ndërsa drejtuesi i këtij të fundit është i shtrirë në tokë.
Ngjarja ka ndodhur në zonën e “Don Boskos”, ndërsa mësohet se nga përplasja është plagosur shoferi i motorit.
Në vendngjarje kanë mbërritur policia dhe ambulanca, duke i dhënë ndihmën mjekësore të plagosurit. Aty shihen të mbledhur edhe qytetarë të ndryshëm, të cilët janë ndodhur në rrugë kur ka ndodhur ngjarja.
/Priza.al/
