Laçi është zgjuar i mbuluar nga tymi këtë të shtunë, pasi gjatë natës ju është vënë flaka mbeturinave ne kodrat e qytetit.
Retë e tymit janë shpërndarë në qytet dhe kanë arritur edhe në disa fshatra të Kurbinit. Në vendgrumbullim për të normalizuar gjendjen kanë arritur fadroma dhe zjarrfikësit e Laçit.
Kjo ngjarje vjen fill pas takimit të Ramës me kryetarët e bashkive teksa foli me emra, duke ‘ngritur në qiell’ Pjerin Ndreun e Lezhës dhe duke bërë për ‘një lek’ atë të Himarës, Jorgo Goro, duke e cilësuar si ‘shembullin e të fjeturit gjumë para plehrave’.
Rama u përmendi prokurorinë disa herë dhe ndjekjen penale, teksa nuk ngurroi t’i paralajmëronte se qeveria do të shkonte deri aty sa do i merrte vetë në menaxhim bashkitë nëse situata nuk ndryshonte.
/Priza.al/
