Fans i Squid Game? Shumë personave u ka ndodhur që ta pëlqejnë shumë Squid Game dhe të mbërthehen pas serialit, pavarësisht se nuk pëlqejnë serialet e ‘dhunshëm’ apo të atij lloj zhanri.
E për këtë ka disa arsye!
Sharmi psikologjik i lojës Squid: Të gjithë e shikojnë atë
Nëse mendoni se kjo nuk është një arsye e mirë, e keni gabim. E gjithë bota po e shikon, web-i sjell meme dhe referenca të vazhdueshme për serialet televizive, dhe nëse nuk doni të ndiheni të përjashtuar, do të dëshironi ta shikoni edhe atë deri në fund. Në fakt, mendimi për të ndryshuar program nuk e gjen rrugën e vet, sepse ne do të ndiheshim ndryshe nga shumica e njerëzve. Nga ana tjetër, nëse do të ketë gjithë këtë sukses do të ketë një arsye, apo jo? Dhe kështu përfundojmë duke parë Squid Game edhe pse nuk është aspak programi ynë ideal.
Kontrastet katalizojnë vëmendjen
Kontrasti është tërheqje për mendjen sepse është e vështirë të kuptohet shpejt. Lojërat Squid Game janë për fëmijë, ambienti është plot ngjyra, argëtues dhe efektiv. Pastaj vjen vdekja e cila krijon terror dhe zhgënjim te shikuesi. Krijon një disonancë të vërtetë njohëse që ju mban të mbërthyer pas ekranit. Me pak fjalë, ajo që shohim shqetëson aq shumë sa bëhet një tërheqje e pastër.
Të papriturat
Fama e Squid Game është edhe për faktin se është një serial televiziv i vështirë për t’u parashikuar. Për këtë arsye, nuk mund të ndalemi së shikuari. Duam të dimë se kush do të fitojë, si do të përfundojë dhe çfarë qëndron nën dinamikën e krijuar. Suspansa luan një rol kyç sepse është pikërisht ajo që e mban lart vëmendjen dhe do të jetë e pamundur të ndryshohet programi.
/Priza.al/
