Kreu i Partisë Demokratike, Lulzim Basha ka bërë një mesazh ngushëllimi për ndarjen nga jetë të deputetit socialist, Bashkim Fino. Basha në mesazhin e tij, ka vlerësuar kontributin e dhënë nga Fino në politikën shqiptare, duke e cilësuar si një zë i rëndësishëm për stabilitetin e vendit.
“Me trishtim mësova lajmin për ndarjen nga jeta të ish-kryeministrit, ish-ministrit dhe ish-deputetit Bashkim Fino. Jam i bindur se kontributi i Bashkim Finos në politikën shqiptare do të vlerësohet gjithmonë si një zë i rëndësishëm në funksion të stabilitetit politik dhe shoqëror të vendit. I shpreh ngushellimet më të sinqerta familjes Fino dhe gjithë të dashurve të tij. U prehtë në paqe”, shkruan Basha.
Me trishtim mësova lajmin për ndarjen nga jeta të ish-kryeministrit, ish-ministrit dhe ish-deputetit Bashkim Fino. Jam i bindur se kontributi i Bashkim Finos në politikën shqiptare do të vlerësohet gjithmonë si një zë i rëndësishëm për stabilitetit politik & shoqëror të vendit.
— Lulzim Basha (@lulzimbasha_al) March 29, 2021
Edhe kryetarja e LSI-së, Monika Kryemadhi, njësoj si Basha ka vlerësuar Finon, teksa e quan “socialist të vërtetë”.
“Me hidhërim të madh mësova lajmin se u nda nga jeta një njeri i mirë, një socialist i vërtetë. Njeriu që ishte kundër çdo konflikti absurd, i lindur për të qenë kryeministri i pajtimit.
U prehsh në paqe Bashkim”, shkruan Kryemadhi.
