Kryeministri britanik, Boris Johnson, ka deklaruar se Mbretëresha është në gjendje të mirë shëndetësore.
“I gjithë vend i uron Mbretëreshës shërim”,- ka thënë më tej kryeministri britanik.
Dy javë më parë Mbretëresha u këshillua nga mjekët që të merrte pushim për tu qetësuar. Ndërsa Buckingham Palace njoftoi se 95-vjeçarja, nuk do të mbante asnjë takim zyrtar për rreth dy javë.
Ndërsa nga ana e tij, Johnson tha se, tashmë është me rëndësi që Mbretëresha të pushojë.
“Unë fola me madhërinë e saj. Këtë javë ajo është në formë shumë të mirë”,- ka thënë ai, ndërsa bëri me dije se duhet të ndjekë këshillat e mjekëve të saj dhe të pushojë, pasi tani kjo është gjëja më e rëndësishme.
Mbretëresha britanike javën e kaluar kaloi një natë në spitalin “King Edward VII” në Marylebone, në Londër. Ajo, pas konsultës së përgjithshme, të nesërmen u kthye në shtëpinë e saj në Kështjellën Windsor.
Buckingham Palace të martën deklaroi se mbretëresha Elizabeth II, nuk do të marrë pjesë në samitin COP26 që mbahet në Glasgow.
/Burimi: Daily Mail/Përshtati: Priza.al/
