Një i pastrehë që flinte në stola tashmë është një multimilioner dhe ka blerë shtëpi për të gjithë anëtarët e familjes së tij. Ai emigroi në SHBA me vetëm 500 dollarë në xhep dhe tashmë ka arritur majat e suksesit. 37-vjeçari Nick Mocuta, u rrit në Rumani dhe gjithmonë ëndërronte të kishte një karrierë të suksesshme.
“E gjeta veten të pastrehë në LA, flija në stola në parqe dhe haja me një buxhet shumë të vogël”, tregoi ai.
Nick më pas arriti të gjente një punë me pagë minimale dhe nga kursimet mori me qera një apartament të vogël. Megjithë vështirësitë, ai nuk hoqi dorë nga ambiciet e tij dhe arriti të merrte një licensë për ndërmjetësimin e pasurive të paluajtshme. Mocuta filloi një sipërmarrje të re në 2013 që do t’i ndryshonte jetën përgjithmonë.
37-vjeçari filloi të shiste artikuj si telefona celularë dhe kuti të importuara nga Kina në eBay dhe pas gjashtë muajsh ai fitonte deri në 4,000 dollarë (2,936 £) në muaj. Pasi pa suksesin që mund të bënte në internet, ai vendosi të hiqte dorë nga puna e tij si ndërmjetës për t’u fokusuar në biznesin e tij në tregtinë elektronike. Nëntë vite më vonë ai arriti të grumbullonte rreth 40 milionë dollarë (29 milionë £) të ardhura.
“Unë jam shumë këmbëngulës dhe nuk dorëzohem kurrë. Dështoj shtatë herë, ngrihem në të tetën”, tha ai.
Ish-burri i pastrehë tani ka 100 banesa në të gjithë SHBA-në dhe Rumaninë, si dhe katër makina luksoze.
Burimi:DailyStar/Përshtati:Priza.al/
