Marilia Mendonca, një nga yjet e reja më të njohura të muzikës country në Brazil, humbi jetën në një aksident ajror të premten. Këngëtarja shumë e dashur “sertanejo” 26-vjeçare ndërroi jetë kur avioni i vogël me të cilin po udhëtonte u rrëzua në shtetin Minas Gerais në Brazilin juglindor, thanë zjarrfikësit.
Nuk kishte asnjë fjalë të menjëhershme për shkakun e rrëzimit, gjatë të cilit humbi jetën gjithashtu producenti i fitueses latine të çmimit “Grammy” dhe një nga xhaxhallarët e saj – i cili punonte me këngëtaren – si dhe dy pilotët.
Televizioni lokal tregoi pamjet e zjarrfikësve që punonin për të hequr trupat nga avioni, i cili u rrëzua në një zonë shkëmbore pranë një ujëvare. Aksidenti ndodhi në një zonë rurale pranë qytetit të Caratinga, ku artistja ishte planifikuar të jepte një koncert më vonë atë ditë.
Mendonca, e cila kishte fituar një “Latin Grammy” në vitin 2019 për albumin më të mirë sertanejo, ishte jashtëzakonisht e njohur në Brazilin e saj të lindjes dhe më gjerë, me 22 milionë ndjekës në YouTube dhe më shumë se tetë milionë dëgjues mujorë në Spotify. Lloji i muzikës Sertanejo e ka origjinën nga Brazili rural në vitet 1920. Vitet e fundit ajo ka fituar popullaritet përtej audiencës së saj në fshat.
/Priza.al/
