Teksas– Ngjarja tragjike që ndodhi në koncertin e reperit të njohur Travis Scott 3 ditë më parë ku ndërruan jetë 8 persona dhe u plagosën 300 të tjerë, duket se ende vazhdon të indinjojë njerëzit nga çdo cep i botës.
Ngjarja ende vijon të bëjë bujë në rrjete sociale, ku të pranishëm në koncert publikojnë video dhe pamje të cilat janë shumë tronditëse. Sipas tyre, edhe pse situata ishte shumë tragjike, reperi ka vijuar koncertin teksa në pamje filmike dëgjohen fansat të cilët kërkojnë ndihmë. Pikërisht për këtë arsye janë shtuar një sërë akuzash duke e etiketuar Scott si person të papërgjegjshëm dhe jonjerëzor.
Vëmendje mori edhe postimi i këngëtarit në Twitter ku u shprehu familjarëve ngushëllimet për jetët e humbura si dhe lutjet e tij për ta. Në postimi ai shprehet se do të ndihmojë financiarisht dhe moralisht familjet e viktimave.
Postimi i plotë i Travis Scott:
‘Unë jam absolutisht i shkatërruar nga ajo që ndodhi mbrëmë. Lutjet e mia shkojnë për të gjitha familjet dhe të gjithë ata që u ndikuan nga ajo që ndodhi në festivalin ‘Astroworld’. Houston PD ka mbështetjen time të plotë pasi ata vazhdojnë të shqyrtojnë humbjen tragjike të jetës. Unë jam i përkushtuar të punoj së bashku me komunitetin te Huston për të shëruar dhe mbështetur familjet në nevojë. Faleminderit familjes Huston për mbështetjen dhe përgjigjen e menjëhershme. Ju dua te gjithëve.’, shkruan reperi.
Në videon e mëposhtme shikohet një i ri i shtirë në tokë teksa po kalon kriza ndërkohë që koncerti vazhdohet lirisht nga Scott.
This kid dropped in the middle of the crowd in the vip section and started having a seizure.#astroworldfestival #AstroWorld #TravisScott ? pic.twitter.com/YUESam1rmS
— $ALEHIARI$ (@ArisSalehi) November 6, 2021
/Priza.al/
