Rrjeti social Facebook ka shtuar disa veçori të reja. Tashmë çdo përdorues ka mundësi të kufizojë komentet në postimet e tyre publike për miqtë ose për njerëz të veçantë. Facebook gjithashtu do të bëjë të mundur shfaqjen e postimeve në rend kronologjik. Kontrollet e reja do të jenë në dispozicion për përdoruesit e aplikacioneve Android fillimisht, e për telefonat Apple në javët e ardhshme pas update-imit të iOS-it.
Ju mund të zgjidhni të mbani një News Feed të renditur në mënyrë algoritmike për të parë të preferuarat tuaja ose ta ndërroni atë për t’i organizuar postimet tuaja në mënyrë kronologjike me postimet më të reja që të shfaqen të parat. Ekzistojnë tre faktorë kryesorë që përcaktojnë se cilat postime të sugjeruara shfaqen në News Feed-in tuaj, sipas Facebook. Një postim mund të sugjerohet për ju nëse personat e tjerë që bashkëvepruan me postimin gjithashtu bashkëvepruan më parë me të njëjtin grup, faqe ose postim si ju.
Nëse kohët e fundit jeni angazhuar me një temë të caktuar në Facebook, platforma mund të sugjerojë postime të tjera që lidhen me atë temë. Faktori tjetër kryesor është vendndodhja. Ju mund të shihni një postim të sugjeruar bazuar në vendin ku jeni dhe me atë që njerëzit afër jush po ndërveprojnë në Facebook. Ndryshimet në këtë rrjet social erdhën pasi u vu re se u shtua shumë gjuha e urrejtjes nga komentues të ndryshëm.
Përshtati:Priza.al/Burimi:DailyMail
