Pasagjerët e fluturimit të Swiss Airlines mes Londrës dhe Zyrihut u detyruan të flenë një natë në një hotel. Një aeroplan i Swiss International Airlines nga Londra në Zyrih u detyrua të kthehej pak minuta pas ngritjes më 7 nëntor për shkak të një erë të keqe çorapesh të pista në kabinë.
Kështu ka raportuar kanali francez i lajmeve Bfm TV, duke shtuar se një pasagjer në fluturim ka kërkuar dëmshpërblim, gjë që megjithatë i është refuzuar nga kompania zvicerane. Për këtë të fundit në fakt ishte një “rrethanë e jashtëzakonshme” e cila nuk jep të drejtën e dëmshpërblimit.
Pasagjerët e fluturimit u detyruan të flenë një natë në një hotel. Rregullat evropiane parashikojnë kompensim në rast vonese të konsiderueshme, që variojnë nga 250 deri në 600 euro. Tema e gjoja toksicitetit të ajrit në aeroplan u trajtua më 15 dhjetor 2019 nga një video e emisionit televiziv italian “Le Iene” duke cituar gjithashtu studime mbi një sindromë që rrjedh nga ajri i avionit: asgjë shkencore. Problemi i erës së çorapeve të pista duket se lind nga rrjedhja e kushinetave të motorit, të cilat mund të lëshojnë një aerosol vaji lubrifikues të djegur në ajrin që thithet nga motorët.
/Priza.al/
