Kryetari i grupit parlamentar të PS-së, Taulant Balla ka dhënë deklaratë për media ditën e sotme ku ka shprehur se tashmë është gati për tu nisur puna për ngritjen e komisionit të Reformës Zgjedhore dhe ka pohuar se Komisioni i Venecias ftohet që të japë një opinion urgjent.
Ai u ndal edhe te zgjatja e mandatit të vettingut, që sipas tij është një domosdoshmëri.
Balla u pyet nga gazetarët se cili do të jetë qëndrimi i partisë, në lidhje me kritikat që po bëhen vazhdimisht nga Erion Braçe. Për këtë të fundit, Balla tha se e ka koleg të vjetër e se me të diskuton çdo ditë. Më tej, Balla tha se secili ka këndvështrimet dhe vlerësimet e tij personale,
Deklarata:
“Ne nuk duhet të paragjykojmë punën e komisionet. PS garanton se brenda komisionit të Posaçëm ka barazi mes anëtarëve dhe të drejtë vetoje mes dy partive. Besoj se ne do ta gjejmë zgjidhjen në këndvështrimin ose themelin e hedhur prej shumë vitesh kur janë ngritur komisionet e Posaçme. Marrim ato vendime që kemi dhe vazhdojmë punën.”, tha Balla.
Ndërkohë, pyetjes së gazetarit të ‘Neës24’ Ergys Gjençaj nëse maxhoranca do të siguronte apo jo votat e opozitës për zgjatjen e mandatit të organeve të vettingut, Balla tha; “Unë nuk dua që të bëjë debat më për këtë çështje as deklarata që si vlejnë nevojës që ka kuvendi në procedurën parlamentare. Jo i takon Këshillit të Legjislacionit, Komisionit të Ligjeve dhe Venecias që është ftuar nga kryetarja e kuvendit për të dhënë një opinion urgjent. Komisioni i Venecias e ka parashikuar ditët e para të dhjetorit. T’i shmangim diskutimet në publik të kësaj çështjes.
A do e fusni në rend dite kërkesën e prokurorëve për mandat të pakufizuar?
Të mos harrojmë që bëhet fjalë për ndryshim kushtetues. Ndryshimet kushtetuese kanë ndryshim, përcaktuar nga Kushtetuta. Nuk ka një depozitim me firma deputetësh që janë i vetmi instrument që fusim këtë nismë në procedurë. Koha në dispozicion është e mjaftueshme pasi asnjë anëtar i Prokurorisë Speciale nuk është në fund të mandatit të tij, por do kemi kohë. Jo si kryetar grupi por si deputet i thjesht. Mendoj se kjo është çështje që meriton të vlerësohet po të nisemi nga ecuria e deritanishme dhe pse jo mos të mbështetet. Unë them se s’ka një nismë. Si e tillë le të fokusohemi te ato që kemi në punën e përditshme të kuvendit. Sot kemi diskutuar plot çështje që lidhen me paketën dhe buxhetit. Grupi i PS do të mbështesë plotësisht paketën fiskale dhe buxhetin për vitin 2022. Jo vetëm që është buxheti më i madh, por dhe i thjesht.
Do t’i merrni parasysh kritikat e zotit Erion Braçe?
Erioni është një koleg i imi shumë i vjetër, me të cilin diskutoj çdo ditë. Secili nga ne ka këndvështrimin e tij, këto janë çështje të vendimmarrjes politike.
/Priza.al/
